Wie funktionierts?

• "D'Tees sind ja mal heftig guet!"

  Vanessa Ankli, Februar 2020

• "Wieso geit's so lang bis zom nächschte Päckli? 😁"

  Anna Trottmann, Januar 2020

• "Tees sind fein und immer en Öberraschig. Danke"

  Andrea Forrer, Februar 2020

• "Freu me emmer of de nechscht Monet 🎉🎉"

  Sascha Büchel, Dezember 2019

• "Wo chan mer d'Tees nachebstelle?"

  Jasmine Bögli, Februar 2020

• "Adieu, Tee us dr Migros. Hallo TeeZyt.❤"

  Corina Strobel, Januar 2020

• "Bi eu grad uf Insta go folge :)"

  Tanja Müller, Februar 2020

• "Danke TeeZyt! Dank eu trinki endli gern Tee"

  Urs Häfeli, Januar 2020

• "Unvergleichbar."

  Mara Stutz, Januar 2020

3 exklusiv personalisierti Teeüberraschige:

Für jede Tag im Monet en Tasse Tee. Ned irgendwelchi Tees:
Jede Monet bechömed Sie drü offeni Teesorte wo speziell für Sie vo eusem eigens entwicklete Algoritmus anhand vo Ihrne Vorliebene usgsuecht werded. Drü Tees wo Sie nanie vorher becho händ. Für das nimmt de Algoritmus alli Charaktereigeschafte vo de Tees (z.B. Rose- und Holundergschmack) vo Ihrne bisherige Boxene, luegt wie gärn Sie die jewilige Tees gha händ und trifft denn en Entscheidig, welli Tees Sie als nächschts bechömed. Darum bechömed Sie zu jedere Bstellig en Bewärtigs-Link wo Sie in 30 Sekunde Ihri Box online bewärte und dademit Ihres Teeprofil verfiinere chönnd.
(S'Bewerte isch völlig freiwillig, Sie bechämted au ohni die Onlinebewertig Ihri nächschti Box)

Bi TeeZyt.ch bechömed Sie also ned eifach en zämegwürfleti luschtigi Teeparade wie das suscht bi verglichbare Tee-Abos de Fall isch. Die Tees sind exakt für Sie usgläse, wärded mit Liebi verpackt und zu Ihne gschickt.

Woher chunnt de Tee?

De Tee wird vo unterschiedliche Quellene bezoge:
Als ersts vo Schwiizer Tee-Lieferante wo eus die benötigte Mängene zur Verfüegig stelle chönnd.
Und als zweits betriibt TeeZyt.ch au Direktimport vo Teebuure us de Asiatische Regione wie Indie, Korea und Nepal.

Über d'Hilfsorganisation:

TeeZyt.ch schaffet mit TearFund zäme.

Für jedi verchaufti Box spändet TeeZyt.ch 10% vom Verchaufspriis ad Hilfsorganisation TearFund.ch.

Sit 35 Jahr setzt TearFund nachhaltigi Entwicklungsprojekt um und leischtet in Notsituatione Soforthilf. Dank em Engagement vo euse Spenderinne und Spender chönnd sich Menschen us de Armuet befreie.
Denn: Jede hett en Chance verdient. Und: Nächsteliebi kennt ebe kei Gränze.

Zu TearFund.ch

Recyclebar:

Die ganzi Box mitsamt ihrem Inhalt isch zu 100% recyclebar. Bi de Uswahl vo de Härsteller vo de Boxe und de Teebeutel hett TeeZyt.ch druf glueget, dass de Inhalt wiederverwertbar isch und somit en Biitrag an Umweltschutz leischtet.

Zuesätzlich zu demm bezieht TeeZyt.ch alli Produkt für d Verpackig vo Europäische Produzänte und luegt bi de Wahl vo de Härsteller uf Nachchaltigkeit und Fairness.

Wer steckt dehinder?