100% RECYCLEBAR

GRATIS VERSAND

JEDI BOX SPÄNDET​

Ihres persönliche Tee Abo:

Entdecked Sie jede Monet 3 Tees nach Ihrem Gschmack

Wie funktionierts Tee-Abo?

Schweizweit Einzigartig: Das Tee-Abo von TeeZyt.ch

TeeZyt.ch isch de einzigi Ahbüter vo Teeabos ide Schwiiz, wo sich a jedi und jede Chund*in persönlich duet ahpasse:
Es gitt villicht anderi Läde wo Teeabos bietet wo alli Chunde die gliche Tees bechömed. Bi TeeZyt.ch bechömed Sie en Box, wo genau nur Ihri Tees nach Ihrem Teeprofil dinne sind.

Für jede Tag im Monet en Tasse Tee. Ned irgendwelchi Tees:
Jede Monet bechömed Sie drü offeni Teesorte wo speziell für Sie vo eusem eigens entwicklete Algoritmus anhand vo Ihrne Vorliebene usgsuecht werded. Drü Tees wo Sie nanie vorher becho händ.

Erstelled Sie jetzt Ihres Teeprofil

Tee Abo kaufen Schweiz

Alles über d'Box

Für jede Tag im Monet en Tasse Tee. Ned irgendwelchi Tees:
Jede Monet bechömed Sie drü offeni Teesorte i Ihrem Teeabo wo speziell für Sie vo eusem eigens entwicklete Algorithmus anhand vo Ihrne Vorliebene usgsuecht werded. Drü Tees wo Sie nanie vorher becho händ. Meh dadrüber finded Sie ide Infobox zum ‘Feedback Loop’

Bim Tee-Abo vo TeeZyt.ch bechömed Sie also ned eifach en zämegwürfleti luschtigi Teeparade wie das suscht bi verglichbare Tee-Abos de Fall isch. Die Tees sind exakt für Sie usgläse, wärded mit Liebi verpackt und zu Ihne gschickt.

Erfahred Sie alles über d’Box ide folgende Infoboxene:

Über s'Abonnement

Eusi Abos gitts entweder für sächs Mönet oder für 12 Mönet. Falls Sie lieber wännd mal ohni Abo luege was da überhaupt verschickt wird, gitts au na die praktischi Probebox. Natürli sind au ide Probebox alli Tees genau uf Sie abgstimmt!

Nach de Laufzyt vo Ihrem Abo wirds ned automatisch verlängeret. Mir wännd transparent und ehrlich Ihne gägenüber si. Und usserdem chan Ihres Abo jederzyt pausiert werde, mit nur 3 Klicks i Ihrem persönliche Konto. Zum Bispil, falls Sie mal id Ferie göhnd oder so.

Öffnen Schliessen

Über d'Hilfsorganisation

Für jedi verchaufti Box spändet TeeZyt.ch 10% vom Profit ad Hilfsorganisation TearFund.ch.
Sit 35 Jahr setzt TearFund nachhaltigi Entwicklungsprojekt um und leischtet in Notsituatione Soforthilf. Dank em Engagement vo euse Spenderinne und Spender chönnd sich Menschen us de Armuet befreie.
Denn: Jede hett en Chance verdient. Und: Nächsteliebi kennt ebe kei Gränze.

Öffnen Schliessen

Über s'Recycle

Die ganzi Box mitsamt ihrem Inhalt isch zu 100% recyclebar. Bi de Uswahl vo de Härsteller vo de Boxe und de Teebeutel hett TeeZyt.ch druf glueget, dass de Inhalt wiederverwertbar isch und somit en Biitrag an Umweltschutz leischtet.

Zuesätzlich zu demm bezieht TeeZyt.ch alli Produkt für d Verpackig vo Europäische Produzänte und luegt bi de Wahl vo de Härsteller uf Nachhaltigkeit und Fairness.

Öffnen Schliessen

Über d'Tees

Wohär chömed eigentli eusi Tees?
Eusi Tees fürs Teeabo beziehnd mir vo eusem Grossischt us Luzern, TeaPoint. Praktisch alli Früchtetees und Rooibos wärded det grad vor Ort zuebereitet, gmischt und abpackt. Ganz frisch!
Tees wos bi eus ide Schwiiz ned gitt wie zum Bispiil Schwarz- und Grüentees duet TeaPoint sälber importiere. Zumteil gitts aber natürli au Tees wie Chrütertees wo us de Schwiiz oder sogar us de Schwiizer Alpe chömed. Die wärded aber denn natürli au ganz speziell kennzeichnet.

Bi TeeZyt.ch wird zu 100% druf glueget, dass eusi Chunde die bescht Qualität überchömed. Probiered Sie's us und mir überzüged Sie garantiert!

Öffnen Schliessen

De TeeZyt.ch Feedback Loop

Ihri Vorliebene chönnd sich villicht über d'Zyt ändere. Und sowieso isches fascht ned mögli, nur mit sächs Präferänze z'wüsse was Sie ganz persönlich gern hennd. Darum gitts de TeeZyt.ch Feedback Loop.

Bim Start gäbed Sie wie scho erwähnt, Ihri 6 grundlegende Präferänze ah.
Denn wählt de Algorithmus 3 Sorte Tees für Sie anhand vo Ihrne Präferänze us.
Sie chönnd die 3 Tees gnüsse und wenn Sie möchted au die Tees online bewärte.
Die Onlinebewärtig wird i Ihrem Teeprofil gspeicheret, und de Algorithmus chan jetzt en besseri uswahl träffe.

Natürlich isch wie scho gseit s'Bewärte völlig Optional. Sie bechämted au ohni die Bewärtig Ihri nächsti Box.

Öffnen Schliessen

Über d'Teemängi

Wieviel Tee isch eigentli inere Box?
Wieviel Gramm pro Tee inere Box vom Teeabo isch, hängt vom jewilige Tee ab. Mir bi TeeZyt.ch hennd einheitlichi Bütel und en liechtere Brenesselblättertee hett weniger Gwicht als en schwerere Früchtetee. Ei Box vo eus längt garantiert für ein Monet Tee-Erläbniss, berächnet mit einere Tasse Tee pro Tag, unabhängig öbs liechti oder schweri Tees sind.

Öffnen Schliessen

Wer steckt dehinter?

Guete Tag!
Ich bi de Emanuel Graf, 26 und studiere Informatik im Master ade UZH. TeeZyt.ch isch min chline Schütz­ling won ich ellei ufd Bei gstellt han und sit Septämber 2019 demit Lüt wie Ihne will en Freud mache. Alli Bilder sind vo Hand bearbeitet, jede Text uf dere Site und ide Boxe isch vo mir durchdacht, gschribe und program­miert worde. Probiered Sie’s doch us und erkunded Sie mini Website, ahluege chostet nüt.
Ich hoffe, Sie hännd genau soviel Freud dra wien ich!

Mit liebe Grüess
Emanuel Graf

close

Grüezi 👋
Schön, Sie z'gseh.

Jetzt Ahmälde und jede Monet en Guetschin vo eusem Shop im Postfach erhalte!

Wir senden keinen Spam! Erfahre mehr in unserer Datenschutzerklärung.